ᠤᠨᠴᠤᠭᠤᠢ ᠪᠠᠶ᠋ᠢᠳᠠᠯ ᠤᠨ ᠪᠠᠶ᠋ᠢᠭᠤᠯᠤᠯᠭᠠ ᠬᠠᠤᠯᠢ ᠪᠠᠷ ᠬᠦᠯᠢᠶᠡᠭᠰᠡᠨ ᠡᠭᠦᠷᠭᠡ ᠪᠡᠨ ᠨᠡᠷᠡ ᠲᠥᠷᠥ ᠲᠡᠢ ᠪᠡᠶᠡᠯᠡᠭᠦᠯᠬᠦ ᠳᠦ ᠳᠡᠮᠵᠢᠯᠭᠡ ᠦᠵᠡᠭᠦᠯᠵᠦ ᠪᠠᠶ᠋ᠢᠩᠭᠤ ᠬᠠᠮᠲᠤᠷᠠᠨ ᠠᠵᠢᠯᠯᠠᠳᠠᠭ ᠮᠣᠩᠭᠣᠯ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠂ ᠭᠠᠮᠰᠢᠭ ᠡᠴᠠ ᠬᠠᠮᠠᠭᠠᠯᠠᠬᠤ ᠤᠯᠤᠰ ᠤᠨ ᠠᠯᠪᠠ ᠳᠤ ᠪᠣᠯᠤᠨ ᠲᠥᠰᠥᠯ ᠬᠥᠲᠥᠯᠪᠦᠷᠢ ᠬᠡᠷᠡᠭᠵᠢᠭᠦᠯᠦᠨ ᠲᠤᠰᠠᠯᠠᠵᠤ ᠳᠡᠮᠵᠢᠳᠡᠭ ᠤᠯᠤᠰ ᠣᠷᠣᠨ ᠂ ᠣᠯᠠᠨ ᠤᠯᠤᠰ ᠤᠨ ᠪᠠᠶ᠋ᠢᠭᠤᠯᠤᠯᠭᠠ ᠂ ᠡᠨᠡ ᠪᠠᠶ᠋ᠢᠭᠤᠯᠤᠯᠭᠠ ᠳᠤ ᠠᠵᠢᠯᠯᠠᠵᠤ ᠪᠠᠶ᠋ᠢᠭᠰᠠᠨ ᠦᠶᠡ ᠦᠶᠡ ᠶ᠋ᠢᠨ ᠤᠳᠤᠷᠢᠳᠤᠯᠭᠠ ᠂ ᠠᠬᠠᠮᠠᠳ ᠦᠶᠡ ᠶ᠋ᠢᠨ ᠬᠢᠨ ᠂ ᠣᠳᠣ ᠠᠵᠢᠯᠯᠠᠵᠤ ᠪᠠᠶ᠋ᠢᠭᠠ ᠣᠹᠢᠼᠧᠷ ᠂ ᠠᠬᠠᠯᠠᠭᠴᠢ ᠂ ᠨᠡᠶ᠋ᠢᠲᠡ ᠠᠯᠪᠠᠨ ᠬᠠᠭᠠᠭᠴᠢᠳ᠂ ᠬᠠᠮᠲᠤᠷᠠᠨ ᠵᠢᠳᠬᠦᠭᠴᠢ ᠲᠠ ᠪᠦᠬᠦᠨ ᠳᠦ ᠡᠨᠡ ᠡᠳ᠋ᠦᠷ ᠦᠨ ᠮᠡᠨᠳᠦ ᠶ᠋ᠢ ᠡᠷᠭᠦᠨ ᠳᠡᠪᠰᠢᠭᠦᠯᠦᠶᠡ ︕
ᠲᠠ ᠪᠢᠳᠡᠨ ᠦ ᠬᠠᠮᠲᠤᠷᠠᠨ ᠪᠦᠲᠦᠭᠡᠭᠰᠡᠨ ᠲᠡᠦᠬᠡ ᠶ᠋ᠢᠨ ᠣᠨ ᠵᠢᠯ ᠦᠳ ᠲᠦ ᠲᠤᠰ ᠠᠯᠪᠠᠨ ᠤ ᠤᠳᠤᠷᠢᠳᠤᠯᠭᠠ ᠶ᠋ᠢᠨ ᠲᠣᠭᠲᠠᠯᠴᠠᠭᠠ ᠂ ᠬᠠᠤᠯᠢ ᠡᠷᠬᠡ ᠵᠦᠢ ᠶ᠋ᠢᠨ ᠣᠷᠴᠢᠨ ᠲᠣᠭᠲᠠᠪᠤᠷᠢᠲᠠᠢ ᠪᠦᠷᠢᠯᠳ᠋ᠦᠵᠦ ᠂ ᠪᠡᠶᠡ ᠪᠦᠷᠢᠯᠳ᠋ᠦᠬᠦᠨ ᠦ ᠤᠷᠠ ᠴᠢᠳᠠᠪᠤᠷᠢ ᠂ ᠲᠧᠭᠨᠢᠭ ᠂ ᠲᠣᠨᠣᠭ ᠲᠥᠬᠥᠭᠡᠷᠦᠮᠵᠢ ᠶ᠋ᠢᠨ ᠬᠠᠩᠭᠠᠯᠲᠠ ᠂ ᠬᠦᠴᠦᠨ ᠴᠢᠳᠠᠯ ᠨᠡᠮᠡᠭᠳᠡᠨ ᠠᠯᠪᠠᠨ ᠤ ᠴᠢᠳᠠᠪᠬᠢ ᠡᠷᠡᠰ ᠳᠡᠭᠡᠭᠰᠢᠯᠡᠵᠦ ᠂ ᠮᠣᠩᠭᠣᠯ ᠤᠯᠤᠰ ᠲᠤ ᠣᠷᠴᠢᠨ ᠴᠠᠭ ᠤᠨ ᠳᠡᠯᠡᠬᠡᠢ ᠶ᠋ᠢᠨ ᠵᠢᠱᠢᠭ ᠲᠦ ᠨᠡᠶ᠋ᠢᠴᠡᠭᠰᠡᠨ ᠬᠦᠴᠦᠷᠬᠡᠭ ᠠᠯᠪᠠ ᠪᠣᠯᠤᠨ ᠬᠥᠭᠵᠢᠵᠦ ᠢᠷᠡᠯᠡ ᠃
ᠴᠢᠨᠠᠭᠰᠢᠳᠠ ᠴᠤ ᠤᠨᠴᠤᠭᠤᠢ ᠪᠠᠶ᠋ᠢᠳᠠᠯ ᠤᠨ ᠪᠠᠶ᠋ᠢᠭᠤᠯᠤᠯᠭᠠ ᠮᠠᠨᠢ ᠪᠥᠰᠡ ᠨᠤᠲᠤᠭ ᠤᠨ ᠂ ᠳᠡᠯᠡᠬᠡᠢ ᠶ᠋ᠢᠨ ᠬᠡᠮᠵᠢᠶᠡᠨ ᠳᠦ ᠦᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠪᠠᠨ ᠶᠠᠪᠤᠭᠤᠯᠳᠠᠭ ᠤᠯᠠᠮ ᠴᠢᠳᠠᠪᠤᠷᠢᠯᠢᠭ ᠠᠯᠪᠠ ᠪᠣᠯᠤᠨ ᠪᠡᠬᠢᠵᠢᠬᠦ ᠨᠢ ᠳᠠᠮᠵᠢᠭ ᠦᠭᠡᠢ ᠶᠤᠮ ᠃
ᠲᠡᠭᠦᠨᠴᠢᠯᠡᠨ ᠪᠢᠳᠡ ᠮᠡᠳᠡᠯᠭᠡ ᠂ ᠪᠣᠯᠪᠠᠰᠤᠷᠠᠯ ᠂ ᠮᠡᠷᠭᠡᠵᠢᠯ ᠦᠨ ᠤᠷᠠ ᠴᠢᠳᠠᠪᠤᠷᠢ ᠪᠠᠷ ᠨᠡᠶ᠋ᠢᠭᠡᠮ ᠳᠦ ᠪᠡᠨ ᠲᠡᠷᠢᠭᠦᠯᠡᠭᠴᠢ ᠂ ᠮᠠᠩᠯᠠᠶ᠋ᠢᠯᠠᠭᠴᠢᠳ ᠪᠠᠶ᠋ᠢᠵᠤ ᠂ ᠥᠨᠥᠳᠥᠷ ᠦᠨ ᠲᠦᠪᠰᠢᠨ ᠳᠦ ᠬᠦᠷᠦᠭᠰᠡᠨ ᠣᠯᠤᠯᠲᠠ ᠂ ᠠᠮᠵᠢᠯᠲᠠ ᠪᠠᠨ ᠪᠠᠲᠤᠳᠬᠠᠵᠤ ᠂ ᠲᠥᠷᠥ ᠂ ᠠᠷᠠᠳ ᠲᠦᠮᠡᠨ ᠳᠦ ᠪᠡᠨ ᠨᠡᠭᠡᠭᠡᠯᠲᠡ ᠲᠡᠢ ᠂ ᠬᠦᠷᠳᠡᠭᠡᠮᠵᠢ ᠪᠠᠶ᠋ᠢᠵᠤ ᠂ ᠬᠦᠯᠢᠶᠡᠭᠰᠡᠨ ᠡᠭᠦᠷᠭᠡ ᠪᠡᠨ ᠨᠡᠷᠡ ᠲᠥᠷᠥ ᠲᠡᠢ ᠪᠡᠶᠡᠯᠡᠭᠦᠯᠬᠦ ᠪᠣᠯᠤᠨᠠ ᠃
ᠤᠯᠤᠰ ᠣᠷᠣᠨ ᠤ ᠲᠡᠷᠢᠭᠦᠯᠡᠬᠦ ᠰᠠᠯᠪᠤᠷᠢ ᠨᠢ ᠪᠣᠯᠤᠭᠰᠠᠨ ᠤᠨᠴᠤᠭᠤᠢ ᠪᠠᠶ᠋ᠢᠳᠠᠯ ᠤᠨ ᠪᠠᠶ᠋ᠢᠭᠤᠯᠤᠯᠭᠠ ᠶ᠋ᠢᠨ ᠠᠯᠪᠠ ᠬᠠᠭᠠᠭᠴᠢ ᠪᠠᠶ᠋ᠢᠨᠠ ᠭᠡᠳᠡᠭ ᠲᠠ ᠪᠢᠳᠡᠨ ᠦ ᠪᠠᠬᠠᠷᠬᠠᠯ ᠂ ᠨᠡᠷᠡ ᠲᠥᠷᠥ ᠶ᠋ᠢᠨ ᠬᠡᠷᠡᠭ ᠪᠥᠭᠡᠳ ᠥᠨᠳᠥᠷ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠶᠤᠮ ᠃
ᠠᠯᠪᠠ ᠪᠠᠷ ᠢᠶᠡᠨ ᠂ ᠠᠵᠢᠯ ᠮᠡᠷᠭᠡᠵᠢᠯ ᠢᠶ᠋ᠡᠷ ᠢᠶ᠋ᠡᠨ ᠣᠮᠣᠭᠰᠢᠨ ᠪᠠᠬᠠᠷᠬᠠᠭᠰᠠᠨ ᠂ ᠡᠷᠡᠯᠬᠡᠭ ᠵᠣᠷᠢᠭᠲᠤ ᠡᠷᠬᠢᠮ ᠦᠢᠯᠡᠰ ᠢᠶ᠋ᠡᠷ ᠢᠶ᠋ᠡᠨ ᠦᠯᠢᠭᠡᠷᠯᠡᠨ ᠮᠠᠩᠯᠠᠶ᠋ᠢᠯᠠᠭᠴᠢ ᠡᠬᠡ ᠣᠷᠣᠨ ᠤ ᠬᠥᠪᠡᠭᠦᠳ ᠲᠡᠢ ᠡᠨᠡ ᠴᠠᠭ ᠦᠶᠡ ᠳᠦ ᠮᠥᠷᠥ ᠵᠡᠷᠭᠡᠴᠡᠨ ᠠᠵᠢᠯᠯᠠᠵᠤ ᠪᠠᠶ᠋ᠢᠭᠠ ᠳᠤ ᠪᠠᠨ ᠲᠤᠶ᠋ᠢᠯ ᠤᠨ ᠪᠠᠬᠠᠳᠤᠯᠲᠠᠢ ᠪᠠᠶ᠋ᠢᠨᠠ᠃
ᠡᠭᠡᠯ ᠠᠪᠤᠷᠠᠭᠴᠢ ᠶ᠋ᠢᠨ ᠬᠠᠯᠠᠭᠤᠨ ᠵᠢᠷᠦᠬᠡᠨ ᠳᠦ ᠡᠬᠡ ᠣᠷᠣᠨ ᠨᠢ ᠪᠦᠲᠦᠨ ᠢᠶ᠋ᠡᠷ ᠢᠶ᠋ᠡᠨ ᠪᠠᠭᠲᠠᠳᠠᠭ ᠶᠤᠮ ᠃
ᠮᠣᠩᠭᠣᠯᠤᠯᠤᠰ ᠤᠨ ᠢᠶᠡᠨ ᠲᠥᠯᠥᠭᠡ ᠵᠢᠳᠬᠦᠶᠡ ︕
ᠤᠨᠴᠤᠭᠤᠢ ᠪᠠᠶᠢᠳᠠᠯ ᠤᠨ ᠶᠡᠷᠤᠡᠭᠬᠡᠢ ᠭᠠᠵᠠᠷ ᠤᠨ ᠲᠠᠷᠤᠭᠠ ᠄
ᠬᠤᠰᠢᠭᠤᠴᠢ ᠭᠸᠨ᠋ᠸᠷᠠᠯ ᠄ ᠭᠡ · ᠠᠷᠢᠭᠤᠨᠪᠤᠶᠠᠨ