ᠣᠨᠴᠤᠭᠤᠢ ᠪᠠᠶᠢᠳᠠᠯ ᠤ᠋ᠨ ᠪᠠᠶᠢᠭᠤᠯᠤᠯᠭᠠ ᠳ᠋ᠤ ᠥᠴᠦᢉᠡᠳᠦᠷ ᠪᠤᠶᠤ ᠙᠆ ᠳ᠋ᠦ ᠵᠠᠪᠬᠠᠨ ᠠᠶᠢᠮᠠᠭ ᠤ᠋ᠨ ᠠᠯᠳᠠᠷᠬᠠᠭᠠᠨ᠂ ᠪᠠᠶᠠᠨ ᠆ ᠥᠯᠦᢉᠡᠢ ᠠᠶᠢᠮᠠᠭ ᠤ᠋ᠨ ᠳᠡᠯᠢᢉᠦᠨ᠂ ᠳᠤᠮᠳᠠᠭᠣᠪᠢ ᠠᠶᠢᠮᠠᠭ ᠤ᠋ᠨ ᠴᠠᠭᠠᠨᠳᠡᠯᢉᠡᠷ᠂ ᠭᠣᠪᠢ ᠆ ᠠᠯᠲᠠᠢ ᠠᠶᠢᠮᠠᠭ ᠤ᠋ᠨ ᠳᠠᠷᠪᠢ᠂ ᠤᠪᠰᠤ ᠠᠶᠢᠮᠠᠭ ᠤ᠋ᠨ ᠲᠠᠷᠢᠶᠠᠯᠠᠩ᠂ ᠭᠣᠪᠢ ᠠᠯ ᠲᠠᠢ ᠠᠶᠢᠮᠠᠭ ᠤ᠋ᠨ ᠴᠣᠭᠲᠤ᠂ ᠳᠣᠷᠤᠨᠠᠳᠤ ᠠᠶᠢᠮᠠᠭ ᠤ᠋ᠨ ᠪᠠᠶᠠᠨᠲᠦ᠋ᠮᠡᠨ᠂ ᢈᠡᠨᠲᠡᠢ ᠠᠶᠢᠮᠠᠭ ᠤ᠋ᠨ ᠪᠠᠶᠠᠩᠬᠤᠲᠤᠭ ᠰᠤᠮᠤᠨ ᠳ᠋ᠤ ᠠᠦᠲ᠋ᠤᠮᠠᠰᠢᠨ ᠴᠠᠰᠤᠨ ᠳ᠋ᠤ ᠰᠠᠭᠤᠭᠰᠠᠨ ᠨᠡᠶᠢᠲᠡ ᠘ ᠤᠳᠠᠭᠠ ᠶ᠋ᠢᠨ ᠲᠣᢈᠢᠶᠠᠯᠳᠤᠯ ᠪᠦᠷᠢᠳᢈᠡᢉᠳᠡᠯᠡ᠃
ᠲᠤᠬᠠᠢ ᠶ᠋ᠢᠨ ᠣᠷᠤᠨ ᠨᠤᠲᠤᠭ ᠤ᠋ᠨ ᠣᠨᠴᠤᠭᠤᠢ ᠪᠠᠶᠢᠳᠠᠯ ᠤ᠋ᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠠᠯᠪᠠ ᠬᠠᠭᠠᠭᠴᠢᠳ ᠡᢉᠦᠷᢉᠡ ᢉᠦᠢᠴᠡᠳᢈᠡᠵᠦ᠂ ᠨᠡᠶᠢᠲᠡ ᠔᠔ ᠠᠦᠲ᠋ᠤᠮᠠᠰᠢᠨ ᠢ᠋ ᠲᠠᠲᠠᠨ ᠭᠠᠷᠭᠠᠵᠤ᠂ ᠓᠐᠓ ᠢᠷᢉᠡᠨ ᠦ᠋ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ ᠢ᠋ ᠬᠠᠩᠭᠠᠨ ᠠᠵᠢᠯᠯᠠᠭᠰᠠᠨ ᠪᠠᠶᠢᠨᠠ᠃
ᠣᠨ ᠭᠠᠷᠤᠭᠰᠠᠭᠠᠷ ᠴᠠᠰᠤᠨ ᠳ᠋ᠤ ᠰᠠᠭᠤᠭᠰᠠᠨ ᠨᠡᠶᠢᠲᠡ ᠑᠘ ᠤᠳᠠᠭᠠ ᠶ᠋ᠢᠨ ᠲᠣᢈᠢᠶᠠᠯᠳᠤᠯ ᠪᠦᠷᠢᠳᢈᠡᢉᠳᠡᠵᠦ᠂ ᠣᠨᠴᠤᠭᠤᠢ ᠪᠠᠶᠢᠳᠠᠯ ᠤ᠋ᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠠᠯᠪᠠ ᠬᠠᠭᠠᠭᠴᠢ ᠳ᠋ᠤ ᠓᠒᠕ ᠢᠷᢉᠡᠨ ᠦ᠋ ᠠᠮᠢ ᠨᠠᠰᠤ ᠶ᠋ᠢ ᠠᠪᠤᠷᠠᠵᠤ᠂ ᠕᠑ ᠲᠡᢉᠡᢉᠡᠪᠦᠷᠢ ᠶ᠋ᠢᠨ ᢈᠡᠷᠡᢉᠰᠡᠯ ᠢ᠋ ᠲᠠᠲᠠᠨ ᠭᠠᠷᠭᠠᠯᠠ ᢉᠡᠵᠦ ᠣᠨᠴᠤᠭᠤᠢ ᠪᠠᠶᠢᠳᠠᠯ ᠤ᠋ᠨ ᠶᠡᠷᠦᠩᢈᠡᠢ ᠭᠠᠵᠠᠷ ᠠ᠋ᠴᠠ ᠮᠡᠳᠡᢉᠡᠯᠡᠯ ᠢ᠋ᠶᠡᠨ᠃